طريقة عمل النودلز الصيني - بالصور

-->

اليوم عندي لكم وصفه مآ أستغنى عنهآ وما أمل منهآ .. 

حلوه للعزآيم وسريعه جدا في الإعداد .. 

تقدرين تتحكمين بنوع النودلز ولكـ الحريه في اختيآر أنواع الخضآر ،، 

بس أنآ عشآن أسهل عليكم الخيآرآت اخترت لكم الخضروآت المنآسبه له ..

طيب بالنسبه للنودلز أنآ كل مره أستعمل الـ egg noodles، لذيذه جداً لكنها أدسم من النوع الثآني ..

ووصفتنآ لليوم استعملت الـ rice noodle، أخترته كنوع من التغيير واللي لآحظته كوجبه خفيفه ع المعده لأنه نوع النودل خفيف ومش دسم .. 

أمآ عن المنتجآت والصوصآت اللي استعملتهآ في الوصفه .. 

من اليمين سويت صويا صوص، صويا صوص، هويزن صوص، صلصة حاره، خل الرز الأبيض .. 

طبعاً لج الخيآر إذآ تبين تستعملين فقط صويا الصوص العادي بس إضآفة السويت صويآ صوص جدا يخلي الطعم لذيذ ومميز .. 

الصلصه الحآره أضفتهآ كوني أعشق السبآيسي فمآ أستغنى عنه في أكلآتي ،، 

في حآلة ما عندج هذآ النوع من الخل بإمكانج تستبدلينه بالخل العآدي ..

المقآدير:- 

كيس نودلز ..

فلفل رومي أصفر و أخضر .. 

جزر ..

ذره ..

ورقتين ملفوف ونص .. 

5 حبآت مشروم ..

فصين ثوم ..

بصل ..

بصل أخضر .. 

بيضه .. 

ملعقه صغيره خل الرز الأبيض .. 

ملعقة طعام صويا صوص ..

5 ملاعق طعام الصويا صوص الحلوه .. 

ملعقة طعام صلصه حاره [ أنآ حطيت أكثر ] .. 

ملعقة طعام هويزن صوص .. 

ملح & فلفل أسود

الطريقه :-

حمسي البصل والثوم لحد ما يحمر وبعدين ضيفي المشروم حمسيه لمدة دقيقه .. 

بعدين ضيفي الجزر والملفوف حمسيه لمدة دقيقتين ..

ضيفي الفلفل الرومي والذره والبصل الأخضر .. 

في نفس القدر ع الجنب ضعي البيض وع النار راح تطبخ وبالملعقه اخلطيهآ لحد ما تتفتت .. 

ضيفي القليل من الملح والفلفل الأسود للخضروآت واخلطيهم .. 

ع جنب نطبخ النودلز .. 

هذي النوع بالذآت ما تاخذ مدة طبخهآ مجرد تضعينهآ في مآي مغلي لمدة 3 - 5 دقايق اتأكدي بأنهآ نضجت وفي الأخير حطيها في الصفآيه وغسليهآ بقليل من الماي البارد حتى ما تلآصق .. 

مجرد تصفينهآ من المآء ضيفيهآ للخضروآت .. 

في الأخير ضيفي الخل عليهآ والصوصات والصلصه الحآره وأخلطيهآ كويس .. 

ذوقيهآ شوفي يمكن تحتآج صويآ الصوص الحلوه زيآده أو المآلحه يمكن ناقصه ملح ،، 

وفي الأخير قدميهآ وأنتي واثقه من طبقكـ أنه رآح يكون لذييذ 

-->

طريقة عمل السمبوسة المنزلية - بالصور

-->

السلام عليكم ورحمة الله وبركاته 

ســـمــبــوســـة الــبــيـــــت لا تــفــوتـــكــــــم ~

اليوم صورت لكم طريقة السمبوسة 

طعمها لذيذ وطريقتها سهله

(¯`·._.·(المقادير والطريقة)·._.·°¯)

طبعا المقادير الي راح اكتبها تقريبية

يعني انتو تحطون على حسب الكمية الي تبغونها

4 اكواب دقيق

انا اخلط كاس الا ربع بر والباقي ابيض

ربع كاس زيت

ملعقة صغيرة ملح

ماء للعجن

تحطين المقادير في العجانه

بعدين تبدين تصبين الماء الى ماتوصلين العجينة الي تبغينها

وخليها اثقل من عجينة الفطائر يعني تكون قاسية شوي

وهذا هو شكلها

حطيها في زبدية وغطيها وبعد عشر دقائق ارجعي اعجنيها باليد

وخليها ترتاح لمدة ساعه

وبعدها ارجعي اعجنيها وقطعيها دوائر بهذا الشكل

خليها شوي بعدين ابدي اخذي وحده وافرديها على طاولة مدهونة بالزيت وقطعيها اربع

بهذا الشكل

بعدين حطي الحشوة

(هذي حشوة اللحم)

واليوم سوينا حشوة بيض مسلوق مبشور مخلوط مع جبن كرافت شيدر مبشور

تخلطينها مع بعض وتحطين شوي ملح حسب الرغبة

وهذي هي

طعمها خياااااااااااااااال لاتفوتكم

بعدين شكليها بهالطريقة

بعدين قطعي الاطراف الزايدة بالقطاعة

بعدين رصي عليها باصابعك علشان ماتتفتح

والجبن الكرافت المبشور لوحده سويناه بهالشكل

وهذا شكلها بالزيت

وهذي بعد ماخلصت

وهني وعافية

-->

طريقة عمل شاي كرك - بالصور

-->

مقآديره بسيطه ..

كوبين مآء [ قارورة مآء إذا كان حجمهآ العادي أو قارورتين مآء الحجم الصغير] ..

٥ ملآعق طعآم سكر ..

ملعقتين طعآم شآي ..

ربع ملعقة شآي هآل ..

ربع ملعقة شآي زعفرآن ..

علبة حليب مبخر ..

*المقآدير هذي تكفي لـ ٣-٤ أكوآب .. 

*وعن تجربه أفضل أنوآع الشآي للكرك ريد ليبل ..

أمآ عن الطريقه مآفي أسهل منوو ..

ضعي قدر متوسط الحجم على نآر عآليه وضيفي المآء ..

والهيل والزعفرآن ..

والشآى والسكر ..

ونتركه يغلى ل٢-٣ دقآئق ..

لمآ يوصل مرحله الغليآن العآليه وتصير الفقآعآت برتقآليه ..

في هآي اللحظه ضيفي علبة الحليب المبخر ..

ولمآ يبدأ بالغليآن قللي درجة الحرآره لأدنى شي وأتركيه يغلي بالرآحه لمدة ٨ دقآيق .. 

في حآلة أستعجلتي عليه ومآ خليتيه يغلى ل٨ أو ٧ دقآيق رآح يكون مذآقه خفيف قريب للمآء ومآ يعجبني لمآ أذوقه ..  

في آخر الدقآيق ذوقيه بطرف الملعقه لعلكـ بتحبي المذآق سكري أكثر ..

من تخلص ال٨ دقآيق حآبه تصبيه في الإبريق على طول أو تقدميه في الأكوآب دآيركت لي برآحتكـ .. 

*استخدآم المصفآه ضروري جدآ حتي يفصل الحبيبآت عن السآئل .. 

أنآ هنآ صبيته في الأبريق ..

-->

طريقة عمل أعشاش الشعيرية بالزهرة - بالصور

-->

[ اعشاش الشعيريه بالزهره المقليه ]

بصل أحمر شرائح , بصل اخضر مفروم خشن , ثوم مفروم

تحمس مع بعض حتى تذبل

بمكينة المولينكس : نفرم الفلفل الحار والفلفل الرومي والجزر فرم خشن

تفكك الزهره لقطع صغيره وتغسل

بعد مايذبل البصل نضيف الخضار والملح والبهارات المشكله وتحرك .. الحشوه جاهزهـ

استخدمت بهارات حاره

نسلق اعشاش الشعيريه بماء وملح , حتى تبدأ تنفصل عن بعض <-- بس انتبهوا تتفكك مره

لأنو حلاتها بشكلها دائري ومرتب وكثروا شوي الملح لأنها تتشربه .

1/ ترص الشعيريه بالصينيه ثم تسقى كل قطعه بصلصة الطماطم وتكون شوي سائله حتى تدخل للداخل وتعطي طراوه وماتقسى الاعشاش

2/ ثم نضيف ملعقه من الحشوه وتضغط للداخل حتى تآخذ اكبر كميه

1/ نضيف ملعقة باشاميل فوق كل قطعه وترش بجبنة الموزاريلا

ثم تكرر الطريقه مره أخرى .. باشاميل وجبنه حتى تتغطى القطعه بالكامل وتدخل الفرن من أعلى لتحمر

نكثر طبقة الباشاميل السبب : حتى ماتقسى الشعيريه إذا دخلت الفرن وتكون مغلفه بالكامل وتحتفظ بالطراوه .

الشكل النهائي ~

-->