-->
أول خطوه : عمل الكرآميل ،،
ثآني خطوه: عمل الكآسترد ،،
ثالث خطوه : كنوع من التزيين للكرآميل نعمل قطع من الفراوله المشبعه بالشيره ونكهة الفآنيلآ ،،
الميزه اللي حبيته في هذآ الكرآميل مقآمه الكريمي اللي من الدآخل ونكهته الرائعه اللي ودج مآ تخلصين الصحن بسرعه ،،
ثآني شي خطواته البسيطه ومكونآته الأربعه فقط حليب مركز + حليب طازج + بيض + فانيلا وبس !!
السبب اللي خلآ المقام كريمي بدرجة رقم (١) هو الحليب المركز المحلى والحمام المآئي + كان مقامه ثابت مش لين ويتكسر أكيد البيض له دور في ذلكـ ،،
يلآ نبدأ بالخطوه الأولى ألآ وهي الكرآميل ،،
مقآديره ،،
1 1/2 كوب من السكر
1/2 كوب من الماء
الطريقه:
نشعل الفرن على درجة حراره ١٨٠ سيليزي - ٣٥٠ فهرانهايت ،،
نخلط المكونآت كلهآ في قدر ونخلطهم جيداً مع وضع فرشاه مبلله في الجآنب الآخر،،
لآحظوآ الصوره يوم وصل لبداية الغليان طرف القدر عليه آثار الغليان ف بطرف الفرشاه المبلله بالماء نمسح هذه الآثآر ،،
شو السبب ؟؟ حتى لآ تتجمد الكرآميل بعد غلق النآر عنهآ ،،
نخليهآ تفور لحد مآ توصل للون الذهبي الغآمج [ لآ تغركم الصوره ترآ جدري لونه أسود ] ،،
نغلق النآر ونصبه في القآلب نحرك القالب ع شكل دآئري حتى توصل كل الأطرآف من الكرآميل والزآئد نرجعه إلى الجدر ،،
نخلي القآلب على جنب ،،
ونبدأ بالخطوه الثانيه ألآ وهي الكاسترد ،،
مقآديرهآ ،،
2 علبة حليب مركز محلى [ الحجم الكبير ]
6 بيضات كاملة
750 مل الحليب الكامل الدسم [ ٣ أكوآب ]
1 ملعقة صغيرة من الفانيليا
الطريقه كالتآلي ،،
كل المقادير في البلآندر ،،
من حليب محلى ،،
وبيض ،،
وفآنيلآ ،،
وحليب طازج ،،
نخليه يخلط لمدة ٤ دقآيق حتى يتجانس عدل وهذا هو الشكل النهآئي للخليط،،
انصبه فوق الشيره ف القالب ،،
ونحطه ف حمآم مآئي حآر ، السبب حتى ينطبخ الكاسترد ببطيء وهذا اللي يجعل مقام الكاسترد أيضا كريمي ومب ناشف أو متقطع لأنه يستوي بالرآحه،،
ونغلف قآلب الكآسترد بالألمونيوم
ونخبزه ف الفرن لمدة ساعة ونص ،،
أول نص ساعه نخبزه مع الألمونيوم بعد مرور النص الساعه نفتح الفرن ونشيل بكل خفه الألمونيوم لأنه مدته ف الفرن طويله ف بالتالي ما نباه يتحمر بسرعه من فوق ،،
وعقب نخليه ف الفرن ساعه كامله طبعا بدون ألمنيوم ،،
بعد مآ مر الوقت وخلص التآيم والنتيجه طلع أن الكاسترد كرآميل جهز من حيث إني هزيت طرفه أو لمست سطحه لقيته متمآسك ومش سآئل انطلعه ونحطه ف الثلاجه يبرد ،،
الخطوه الثالثه والأخيره : استروبري توبينغ ،،
مقآديرهآ ،،
2 كوب من الفراولة النظيفة المقطعه
1 كوب سكر بودره
1 كوب ماء
1/4 من عود الفانيليا والبذور
الطريقه ،،،
نخلط السكر والمآي وانحط القدر على النآر ،،
لما يبدأ يفور نغلق النآر،،،
وانضيف حبة الفانيلا وبذورهآ ونخليه دقيقه حتى يكسب النكهه جيداً ،،
وأصب المآي مع حبيبات الفانيلآ على الفرآوله المقطعه وأخليه يبرد،،
عقب ما برد نصفي خليط الفرواله من خليط الشيره ،،
خطوة التقديم ،،
نمرر سكين حآد علي أطراف قالب الكآسترد ونقلبه في صحن التقديم بكل حذر ،،
وبعدين انحط فوقه في النص الفراوله مع أعواد الفآنيلآ ،،
صور للخليط من الداخل ،،
وهذا الصحن الخاص فيآه ،،
-->
No comments:
Post a Comment