طريقة عمل تارت الخوخ - بالصور

-->

مقادير العجينه :- 

8 ملاعق كبيرة من الزبده البارده

1/2 كوب سكر

1/4 ملعقة صغيرة من نكهة اللوز 

1/4 ملعقة صغيرة من الفانيليا

1/2 ملعقة صغيرة من ملح البحر

1 1/4 كوب + 1 ملعقة طحين

2 ملعقة كبيرة من طحين اللوز

الطريقه :-

في محضرة الطعام ( وإذا ما توفر عندج بالشوكه خلطي ) نخلط الطحين والسكر وطحين اللوز والملح،،

بعد ما يتجانس عدل انضيف الزبده ونكهة الفانيلا واللوز ونخلطه لحد ما يتجانس لمدة ثواني فقط ،،

بعدين نجمع العجينه ونضعها في صينية التارت، فما يحتاي انحطها في الثلاجه لأنه الزبده بعدها بارده في العجينه ومتماسكه في حالة العجينه سارت لينه كثيره والزبد ذاب حطي العجينه في الفريزر 7 - 10 دقايق وبتتماسك العجينه،،

بأطراف اصابعنا نبدأ نرتب العجينه في القالب لحد ما يصير عنا مرتب بهذا الشكل ،، 

نضع فوقها حبوب أو رز أي شي متوفر عندج ما يساعد على انتفاخها ،،

ونخليها في الفرن لمدة 15 دقيقه ،، 

وهذي هي النتيجه يوم طلعتها من الفرن ،، 

نخليها تبرد وانسير انسوي الحشوه ،، 

مقادير الحشوه :- 

1/2 كوب كريمة خفق

1 بيضة

1/4 ملعقة صغيرة من نكهة اللوز

1/2 ملعقة صغيرة من الفانيليا

2 ملعقة صغيرة عسل

2 ملعقة كبيرة من طحين اللوز4-5 حبات خوخ

الطريقه :-

قطعي الخوخ شرايح رفيعه ،،

ورتبيها فوق التارت ع شكل دائري ،،

بعدين سوي الخلطه اللي بتصبينه فوق الخوخ،،

أول شي خلطي الكريمه مع البيض والعسل ونكهة اللوز والفانيلا،،

وفي الأخير ضيفي طحين اللوز ،،

صبي الخلطه فوق الخوخ ،،

وبعدين دخلي الصينيه في الفرن لمدة 30 - 40 دقيقه لحد ما تشوفين الخليط اتماسك والبسكويت صار لونه ذهبي ،،

وهذا الشكل النهائي لما طلعته من الفرن،،

وهني لما قطعته وقدمته ،،

-->