-->
المـقادير بـذكرها تحت الـصور
أنا استخدمت صحنين دجـاج ،، لكني بعطيكم مقدار صحن واحـد واللي بتزود تدبل المـقادير
صحن دجاج بدون عظم ،، بصلتين كبار .. حزمة متوسطه كـزبره.. ملعقتين دقيق .. ملعقه صغيره ملح ..
فلفل أسود مطحون .. كمون مطحون.. كلها نحـطها بالخلاط ونخلطها
الخـلطه جـاهزه معنا ،، نبلل يـدنا بشوي مويه أو زيت ونبدأ بتشكيل الكفته ،، أنا استخدم الـزيت
غـالبآ أجهز الكفته من الليل وأدخلها الثلاجه ،، اختصار للوقت وعشان تتماسك أفضل
وبـرضه جربت وفرزنتها لأن ببيتي نستخدم كمية بسيطه والباقي أفرزنه ليوم ثاني ،، وأطلعه قبل بوقت يذوب وبعدها أقليه
هنـا بدأنا نـقلي الكـفته ،، اللي يحبونها مشـويه ممكن يدخلونها الـفرن ،، احنا ببيتنا أكسنا عالشوي
دادي مـاحبها ،، قالي ياتقليها والا بـلاش منها
وبصراحه هي ألذ بـالقلي
بعد مـاجهزت الكفته معنا نشـوف كشنة الـرز
بصل وفلفل رومي نقطعها جوانح ونحمسها في شوي زيت
بعد مايبدا البصل يذبل نحط الـثوم ،، وبعدها الصلصه والطماطم والليمون الأسود
ونضيف الملح والماجي وبهاراتنا فلفل أسود وكمون فقـط ،، ونحمسهن زين مااازين
بعـدها نضيف الكفته للحمـسه ،، ونزيدها شـوي مويه ونغطي عليها تستوي براحتها ،، تقريبآ تاخذ ربع ساعه
في هـالوقت ،، نطبخ الرز الأبيض على جنب نص اسـتواء ،، أنا أضيف عليه شوي ملح وزيت ،، لاتكثرون الملح لأن الكشنه فيها ملح
حـاولوا توزنونه عشان مـايزيد عليكم
بعدها نضيف الرز فوق الكـشنه ويكون عالكشنه شوي ماي ،، وبرضه حاولوا مايزيد عشان ماينهرس الرز
بعدها ضيفوا على وش الرز صبغه أو كركم ،، انا استخدمت كركم ،، وبعد ماتنشف مويته أقلبوا الـقدر
بعد مـاقلبنا الـقدر ،، نرفعه بـشويش وننتبه من البخـار ،، لايصير لكم تنظيف بخار معتبر 
الحين حاولوا تخلطون بملعقة الغرف عشان تنخلط الكشنه والصبغه مع الرز الأبيض
الحين بعطيكم طريقة سلطة الـزبادي ،، وبرجع لكم في الأخير مع الشكل النهائي 
طبعآ المقادير ذوقيه ،، زبادي ،، ثوم ،، فلفل أسود ،، خيار مبشور ،، نعناع ،، أنا أضيف أحيانآ جزر مبشور
يعطي لون وطعم حلو
وهوووون طبقنا جـاهز ،، وهذا صحـني
وهــذا لمـرايم القمر ،،
وأقـولها خـلاص طاح الحـطب ،، بس لاتستفزيني مره ثانيه
أتمنى تكـون الـوصفه ارتقت لـذائقتكم وحبيتووها ،، ولاتنــسوون تبخـرون البيت بعد القلي
-->
No comments:
Post a Comment