طريقة عمل كب كيك بألون قوس قزح - بالصور

-->

المقادير:

خليط كيك جاهز تحبينه(انا استعملت بيتي كروكر الابيض)

كريمه جاهزه او اي كريمه تفضلينها للتزيين

الوان طعام (انا استعمل الي من تافولا)

قمع التزيين

صينية كب كيك

(مافي صوره للمقادير مب محصلتها)

الطريقه:

اول شي سووا خليط الكيك بنفس الطريقه الي قايلينها عالكرتون وانا احط بدل الماي لبن يخليه متماسك الله يجزيها خير الي علمتني بهالطريقه (مومتذكره اسمها بس اهيا من المنتدى هني ) قبل كنت ماحب البيتي كروكر كلش لأنه وايد يتفرفت بس بعد ماصرت احط اللبن صرت استعمله على طول في كل شي

بعدين وزعوا الخليط ب 6 كاسات بالتساوي , انااستعملت كاسات بلاستيك عشان افتك من التنظيف بعدين 

بعدين جيبي سكين وحطي شوية لون 

وبعدين اغرسي السكين في قلب وحده من الكاسات 

وقومي بالخلط جييييدا

نكرر نفس العمليه مع كل الالوان والكاسات وانتوا وذوقكم اختاروا الالوان الي تعجبكم انا هذي الاوان الي اخترتها نفس الوان قوس قزح

خلصنا المرحله الاولى

نيجي للمرحله الثانيه

الحين نوزع شوي من كل لون في الصينيه 

ذا تبون الالوان تطلع فوق بعض بالضبط انتوا بالملعقه عدلوه بحيث يكون خليط الازرق مفرود بالكامل ولما تحطون البنفسجي بعد تمدونه عدل فوق الثاني فهمتوا قصدي؟؟؟ انا ماكنت ابي طبقات منتظمهمن الاوان فكنت اوزع بشكل عشوائي مثل موشايفين 

الحين ندخلهم الفرن 

وبعد ماطلعوا من الفرن 

الحين عاد التزيين بالكريمه 

جيبوا القمع وحطوا فيه الكريمه كااامل 

بعدين بطرف السكين اخذوا شوية لون (بنااات لاتكثرون منه نتفه بس تكفي خصوصا الالوان الغامقه مثل البنفسج والازرق ) 

الحين تاخذين السكين وتدخلينه بكيس الكريمه بخط مستقيم للاخر وتسحبينه بنفس الخط , بعدين نظفي السكين وحطي لون ثاني ودخليها بخط مستقيم بجانب اللون الاول وكرري مع كل الالوان وبكون هذا شكل القمع 

لاتضحكون على الطريقه الي حاطه فيها راس القمع , ماحصلت القطعه الي تنحط فالوسط ومشيت حالي اصلا مو مهم صح ولا غلط المهم النتيجه النهائيه 

الحين صارت الكريمه جاهزه لتزيين الكب كيك وقبل لاتبتدين تبدعين في خطوه لازم تسوينها , اول شي فالكريمه لما تعصرين القمع او تضغطين عليه خليها في صحن او اي مكان لأنه الي بيطلع اول شي مابتكون الالوان فيه مختلطه عصريه لين تشوفين الكريمه الي تطلع الوانها متداخله وبعدين زيني فيها الكب كيك بالطريقه الي تعجبك

الحلو فيها انه كل وحده تطلع بالوان غير ومميزه عن الباقيين 

وهذي من الداخل 

-->