طريقة عمل صالونة الباذنجان الهنديه .. بقارا بيقن - بالصور

-->

صالونة الباذنجان الهنديه 

المقادير :

سمسم / بصل شرايح / فول سوداني بدون قشره / كزبره حب / نارييل

فلفل احمر / كركم / ملح / كارياباك / سنود

باذنجان حجم صغير / صبار منقوع فالماي (تمر هندي) / زيت

الطريقه :

نقلي من المقادير التالية

سمسم / بصل شرايح / فول سوداني بدون قشره / كزبره حب / نارييل

 .. و نخليهم على جنب لين ما يبردون

نحط هالاشياء في الخلاط الحين و نخلط لين ما تنطحن كل المقادير عدل .. لازم

وبعدين نضيف الكركم و الفلفل الاحمر و الملح و نرجع نخلطهم مره ثانيه ..

بتكون الخلطه بهالشكل ..

هذا الخلاط .. مثل اللي نطحن فيه القهوه

نغسل الباذنجان عدل و نقص الغصن الاخضر 

ونقص بالسكين من تحت على شكل + و نحشيها بالخلطه حاسبوو  ما تنقص الباذنجانة 
 و الكميه الباقيه من الخلطه نخليها على جنب

على نار متوسطه نحط في الجدر زيت بكميه ليست بالقليله  .. يوم بيستوي الزيت حار نحط السنود عليه ..

الباقي من الخلطه نحطها عالزيت و نخلط لين ما تنخلط بالزيت والسنود ..

نحط الباذنجان الحين

ونصب ماي الصبار (التمر الهندي) بعد ما هرسناه بالإيد و نشخله ..

و نحط اوراق الــ ( كارياباك ) Kariapak ..

 قولو لأي هندي في المحل تبون كارياباك و بيعطيكم

يعني المكان اللي تاخذون منه الخضره 

لها رائحه زكيه و تخلي الاكل لذيييذ .. طبعا نحن نثلج هالاوراق في الفريزر .. احسن

ويوم نستخدمهم نغسلهم بالماي وبس

هنيه عقب ما حطينا ماي التمر الهندي و اوراق الكارياباك ..

و تخلطون كل شوي عشام ما تحترق الصالونه  ,,

طبعا إذا تبون الباذنجان قصع صغار تقدرون تقصونه .. وما بياخذ منكم وقت على النار

يعني بسرعه بيستوي إذا مقطع  ..

..

السنود

الفول السوداني ..

وهذا الشكل النهائي للــ بقارا بيقن bgara baigan ..

معلومات عن البقارا بيقن ^^

هالصالونه تكون ملازمه للبرياني في اعراس الهند .. ويسوونها قبل العرس بيوم ..

في الهند .. الاغنياء يستخدمون الكاجو بدلاً من الفول السوداني ..

وعن تجربه ،، الفول السوداني احلى طعمه عن الكاجو في الصالونه هذي !!

يمكن الاحتفاظ بهذه الصالونه لأكثر من يوم فالثلاجه ..

طعمها يستوي احلى في اليوم الثاني .. ما أعرف السبب 

تقدرون تحطون قطع لحم صغار فالصالونه

وتؤكل مع العيش الأبيض .. 

-->