-->
المقادير
كل كاس طحين
له
ملعقه صغيره خميره
ملعقه صغيره نشاء
ملعقه صغيره سكر
ملعقه صغيره زيت
و3 ملاعق حليب بودره
رشة ملح
احب استخدم ملعقة الباسكن روبنز كمقياس
المويه انا حاولت اقيسها لاني انا اعتمد على النظر
بس اتوقع الكاس الواحد له نص كاس مويه
{ ملاحظه
بغض النظر عن المقادير او العجينه ....اللقيمات سرها بطريقة قليها
يعني الزيت يكون مو حار مره ...وسط
ما يوصل لدرجة الغليان ولا يطلع منه بخار
عشان تطول بالزيت وتتقلب وتحمر براحتها
نحط المقادير الناشفه ....وعقب نضيف الماء
وهذا قوامها يكون شبه سائل
انا اطلعها من العجانه واكمل بيدي ...عشان اعرف اقيس درجة ليونتها
شوفو كيف لما تسحبينها تمشي معك وما تتقطع
كملي عجن ونظفي الحواف ...وغطيها لين تختمر
والعجينه تختمر .....نسوي الشيره المسمسيه
ونجهز هالمصفاة عشان نصفي اللقيمات بعد مانطلعها
والزيت لاااازم يكون عميق
وهذي ملعقه ثانيه خاصه بالشيره
وهذي العجينه اختمرت
الحين نبدأ ...نبلل الملعقه بالزيت
وناخذ العجين بيدي اليسار وتضغطين واذا طلعت لك كميه مناسبه
تشيلينها بالملعقه
وترمينها بالزيت ....زي ماقلنا الزيت مو حامي مره
شوفو هنا صوره تقريبيه ....لما ترمين العجين تنزل تحت شويه ....
وبعدين تطفو على السطح ويكون فيه فقاعات بسيطه
ما تفور على طول اول ماتحطينها
وتستمرين تقلبين ...لما كل العجين يصير على السطح تبدين بالتحريك عشان الشكل مايخرب
هنا بقولكم شي
اثناء مانسوي العجين ....يعلق بطرف الملعقه شوي منه
زي كذا
كل اللي علينا اننا نمسحه ...بالمنديل اللي قلت لكم عليه
انا احبها ذهبيه ....ماحبها بنيه
نشيلها ونرميها بالشيره
ملاحظه الشيره تكون بارده بحرارة الغرفه والافضل تكون ثقيله
عشان تغلف اللقيمات وبس ...ماتشربها
ونغمسها بسررررعه ونشيلها نحطها بالصفاي عشان تقطر كل الشيره وماتصير كثيره
{ نقطه }
اللي مايحب الشيره يقدر يستغني عن هالخطوه
وهالحين تفضلووو حياكم
واللي يحب يضيف السمسم
انا احب نكهته بالحلويات العربيه
اضيفه بكثره
-->
No comments:
Post a Comment