طريقة عمل عصير الكوكتيل السعودي - بالصور

-->

كيف تحولين طبق عادي من الفاكهة ---------------> لشئ جميل ومنعنش للنفس قبل البطن 

بالبداية ..نحتاج بعض حبات من الفاكهه المناسبة لهيك مشروب ..

وهي عادةً تكون .. برتقال + تفاح + فراولة + نعناع 

( النعناع رايح مشوار بعد شوي بيطل  )

راح نستخدم نوعين من التفاح .. والأنسب دوم الأخضر + الأحمر ..

الأصفر ماأستسيغه مع هالمشروب ..

والأبطال الـ 3 اللي راح يندمجون عشان تكتمل القصة .. هم :

ماء غازي .. سواء بيرية أو غيرة .. انا اخترت هالنوع من الدانوب ..

+  راوخ تفاح حجم كبير  + بربيكان تفاح .. ومرات احط سفن اب صغير ..

جربية بالــ 2 وشوفي وش بيعجبك منهم ..

محتاجين اسياخ الخشب حقت الباربيكيو المقاس الكبير + جيك بحجم طولي مناسب للأسياخ ..

حنقطع الفاكهه حلقات متساوية وسميكة نوعاً ما 

لاحظو سمكها كيف .. تقريبا نفس السايز 

ونبدأ شكشكة الحلقات في السيخ 

ثم نوقفها هيك بالجيك .. وتقريبا استوعب 3 اسياخ .. لأنة لازم مايكونون محشورين فية حشر 

شفتوا كيف جمالهم وهم كاشخين .. 

.نبدأ نضيف مشروبنا 

في البداية نحط الماء .. مو كثير .. تقريبا حيكون 1/3 الجيك 

عشان مايطغى على طعم راوخ التفاح والسكر اللي فية 

مع العلم , انة مو ضروري يكون هالمشروب حالي بزيادة 

ونخلية شوي بالثلاجة لوقت التقديم .. لأن هالمشروب غازي 

واذا حضرتية قبل بوقت طويل ,راح تروح غازاتة ويطلع مليغ 

والهدف من اننا نصب الموية قبل هو عشان ننقع الفاكهه وتشرب الموية طعمها

هنا ,, صبيت الراوخ كلة + الباربيكان 

وخلاص المفروض في هالحالة يتقدم للضيوف على طول 

أنا عادةً .. اصبة بعد مايدخلون على العشاء ويبدون يغرفون الأكل 

اروح اجيبة على طول .. عشان يكون محتفظ بنكهه الغازات

االنعناع مهم في هالمشروب + الثلج طبعاً 

مشروب منعش بدون ثلج ماينفع ..

فأنا وش سويت ؟؟ دمجت الــ 2 × 1 

حطيت اوراق النعناع بالخلاط .. مع شوي ليمون وشوي موية ..

وصبيتة في هالقوالب الصغيرة ..وثلجتة قبل بوقت 

شايفين تدرج اللون ؟

طبعاً راح يكون اخر شي تضيفينة قبل التقديم .. لأنة بسرعه يذوب 

ابد وانتي طالعه من المطبخ ورجل برا والثانية داخل حطية بسرعه وانحاشي 

وشوفي كيف شكلة وهو يعوم بكل آريحية بين شرحات الفاكهه 

والطعم ماراح اقولك كيف آليم ( قلتيها خلاص )

جربية بنفسك .. وابتكري طريقتك الخاصة بتغيير طريقة التقطيع او الشكشكة 

اتمنى اكون وفقت بتقديم هالفكرة البسيطة .. وتحوز على رضاكم ..

{ ملاحظة ~

عادةً اكون اسرع في التحضير عشان مايتأكسد التفاح ويتغير لونة..

بس هالمرة عشان التصوير وهيك اخذ وقت اطول .. فلما تسوينه حطي هالنقطة ببالك ~

-->