طريقة عمل بسكويت الزبدة - بالصور

-->

بسكويت الزبدة 

خفيف وسهل جداً والأهم لذيذ .. ومقاديره متوفرة بكل بيت .

| الطريقة والمقادير مع بعض | :

نخفق 226 جم زبدة غير مملحة - بدرجة حرارة الغرفة - لمدة دقايق حتى تلين .

226 جم تعادل أصبعين وربع تقريباً .

* طبعاً هالكوكيز غني بالزبدة , عشان كذا الأفضل طبعاً اختيار نوعية ممتازة من الزبدة .

بعدها نضيف 3/2 كاس سكر ونخفق بسرعة متوسطة لما نحصل على قوام كريمي .

وبعدها نضيف بيضه مع ملعقة صغيرة فانيلا ونخفقها ,

بعدين نضيف كاسين وربع طحين وذرة ملح .

ونقلبهم على بعض لما نحصل على قوم متماسك تقريباً .

بعدين نشكلها على شكل مستطيل كبير ,

العجينة طرية جداً عشان كذا نقصها بالنص ونحطها على قطعة بلاستك للتغليف , ونشكلها على شكل مستطيل 

 ونغلفها ونحطها بالثلاجة مدة 3 ساعات على الأقل , وممكن تخلينها طول الليل بالثلاجة لليوم الثاني .

* وبعد ممكن تخلينها بالفريز مدة أسبوع تقريباً ماراح تتغير , وخلال هالأسبوع متى ماودك طلعيها وقطعي الكمية اللي تبين وأخبزيها .

لما نطلعها من الثلاجه نقطعها لشرايح متوسطة العرض ونحطها في صينية عليها ورق زبدة وندخلها فرن مشغل مسبقاً على درجة حرارة 360  لمدة 10 دقايق تقريباً .

أنا عن نفسي أحبها تتحمر شوي من فوق , أحب طعمها كذا .. عشان كذا أخليها 8 دقايق ودقيقتين أشغل عليهم الفرن من فوق .

ونطلعهم يبردون وممكن نزينهم بشوكولاته ونحط فوقه جوز هند أو لوز مجروش ومحمص ,

وهو لذيذ كذا من غير شي بعد .

  

ونقدمه مع شاي ممكن 

وبالهنا والشفا

-->