-->
السلام عليكم ورحمة الله وبركاته
راح اعرفكم على البيتزا الكذابه بس هاه تراها كذبه بالحلال خخخخخخخخخخخخ
أحسن مافيها انها سهله ، وايضا إذا جوك اطفال معقدين ينزلون كل اللي في البيتزا وياكلون العجين <== متعقده الأخت من هالبزارين .
افضل شي تقدمينا لهم بيحبونها لأن مافيها زحمه .
المقادير :
عجينتك المفضله . انا استخدمت طريقة امي في العجين . وبإذن الله بنزلها بموضوع مستقل
ملعقه طعام مايونيز مليانه يعني عبيها عالآخر ، وايضا ثلاث ملاعق مليانه جبن سائل . وتختلف الكميه حسب حجم الصينيه .
اي أعشاب تفضلينها .
إذا حابه تضيفين خضار مافي مانع أنا اضفت فلفل رومي .
الطريقه :
افردي العجينه اللي حضرتيها قبل . بحجم الصينيه صينيتي متوسطه تقريبا 25 × 30
افضل طريقه عشان تاخذين العجين من غير ما يتمطط عليك انك تلفينه بالنشابه وترجعين تفردينه بالصينيه بهالشكل
خزقيها بالشوكه .
نحضر حشوة الوجه
تخلطين المايونيز مع الجبن ...وراعي الكميه حسب حجم الصينيه اهم شي تغطين سطح العجين . وإذا حابه تضيفين نكهه معينه انا اضفت زعتر . البعض يضيف حبه سودا او سمسم ... الخ حسب ذوقك .
ادهني الوجه
رشي السطح ايضا باللي يعجبك رشيت شوي فلفل رومي وزيتون أخضر وأسود .
ورشيت على الوجه اورجانو وبودرة ثوم وبابريكا .
دخليها فرن متوسط الحراره . تقريبا اخليها عشر دقائق عالنار السفليه وبعد العشر دقائق اولع الشعله العلويه تقريبا بربع ساعه تكون ناضجه .
وهذي بعد التحمير .
قطعيها بالشكل اللي تبين شخصيا احبها مثلثات يطلع شكلها مميز والبعض يحسبه مثلثات من التوست .
وهذا شكل ظهر العجين .
-->
No comments:
Post a Comment