-->
اليوم سويت لكم [شيشبرك
عاد اللي يقول لي اصله تركي ... واللي يقول لبناني واللي يقول سوري
المهم هو من فوق ...شمال الجزيره العربيه
....> وش رايكم بالشرح بس
يالله بسم الله
بالاول نسوي الحشوه
- مقاديرها ...
{ بصل مقطع صغير ...فص ثوم ... لحم مفروم ...ملح وفلفل اسود
بالطريقه المعتاده نشوح البصل لين مايذبل
ونضيف اللحم ونحرك لحد ماتنشف مويته
نتيله بالملح والفلفل الاسود ...فقط
قبل الحشوه نسوي عجينتنا
وهي عباره عن
{ طحين ...ماء ...ذرة ملح
تعجن ..وتترك لحد ماترتاح
وبعدين نفردها فرد خفيييف
ونقطعها دوائر ...ونحشيها باللحمه
نمسك كل حبه ونطويها بالنص ...وبعدين نلصق الاطراف ببعض
يصير شكلها زي الاذن
عاد محسوبتكم تحب تقلبها مدري ليه يعجبني شكلها كذا
انواع التحريفات
هي المفروض تسلق بالمويه ...لكن انا اسلقها بالبخار
احطها بقدر البخار واشغله
تاخذ لها من 10 دقايق لحد 20 دقيقه
على فكره .. قبل هالمرحله اللي مرحلة السلق بامكانكم عمل كميات كبيره ووضعها بالفريزر
لان الاغلب يتعيجزون كل مره يعجنون ويحشون
فالافضل سوي لك كميه واحفظيها بالفريزر ووقت الحاجه اسلقيها
طريقه الفرزنه ... { تصفينها بصينيه مسطحه على حبه حبه جنب بعض لحد ماتجمد
وبعدين تقدرين تصفينها بعلب وتحطين عوازل بلاستيك بين الطبقات .. ,
... اثناء ما العجين يطبخ
نسوي اللبن
اللي هو اساس الاكله .
مقدارين متسويين من .. { اللبن وكريمة الخفق
الصراحه انا اسويه بالنظر
واذوق ...وعلى حسب ذوقي اخلطهم
يعني اللي يحب طعم اللبن يزيد اللبن واللي يحب طعم الكريمه يزيد الكريمه
واخلطهم لحد الغليان واذا احتاج للملح ازيده ...وشوية فلفل ابيض
بعدين احط الشيشبرك باللبن واخليه يغلي على نار هاديه ..,
..,اذا خلص ...اجهز التقليه
{ ثوم وكزبره وزيت .. اقلبهم على النار لحد ما تطلع النكهه ويتشوحون
واصبهم على وجه الشيشبرك
واجمل الوجه بالصنوبر والكزبره الخضراء
وصحتين وعوافي على قلوبكم
-->
No comments:
Post a Comment