-->
{{السلام عليكم ورحمة الله وبركاته }}
هذا الطبق بديل للقيمات
فهذا طريقته بالفرن ويتكون من الدقيق الابيض والبر يعني صحي
ومن غير زيت
هالطبخه من مدينة حائل تنسب لقبيلة تميم
المقادير
’’
كاس ونص دقيق بر
كاس ونص دقيق ابيض
3كاس لبن ممكن ازيد اذا احتاج الامر
2بيضه
2ملعقة ص خميره فوريه
2ملعقه ص بكنج بودر
رشة ملح وملعقه ك سكر
الطريقة :
اكسر البيض واحط السكر
وهنا حطيت الملح والخميره والبكنج بودر
ونخلطه حتى تتجانس سويا
هنا انتهيت بخلط البيض مع المواد الجافه
الحين اصب اللبن كله واخلط جيدا
الحين بديت اضع الدقيق بالتدريج
هنا وضعت كل الدقيق
هنا خلصت شوفن ثقل الخليط اثقل من اللقيمات شوي اذا حسيتيه ثقيل زيدي لبن واذا لاحظتي اناخفيف مره زيدي دقيق ابيض فقط اتمنى المعلومه وصلت وكل ماعجنتي الخليط طلع روعه
وهنا قعدت العجينه 3ساعات هي تخمر بساعه بس احب ولازم نخليها اكثر علشان
يطلع طعم اللبن فيه حموضه هذا ميزته المقشوش
هنا شكل العجينه شلت بالملعقه علشان تشوفون الثقل
هنا جهزت كاس ماء وملعقه بلاستيك من باسكن روبنز
هنا سخنت صاج تيفال خاص بالمراصيع والخبز وحميته وخليته على نار متوسطه فوق الفرن
وبديت اسوي زي طريقه اللقيمات فوق الصاج
وهنا لما تحمر من تحت انتبهن يحترق نكون مولعين الفرن من بدري علشان تتحمر على طول
وماتقسى
وهنا طلعته من الفرن
وعلى طول احطه بحافظه واكتمه حتى تخلص الكميه
ولما خلص المقدار كله صبيت شيرة وقليل من الزبده المقشوده واللي عندها سمن بري تحط
يطلع شي بس لاتكثرين سمن اوزبده بس شوي والشيره تكفن لاتصير خفيفه وسط تكون
واترككم مع الصور النهائيه
وبكذا خلصت موضوعي لليوم
بنات تقدرون تفرزنونه بالفريزر بس بدون شيره وسمن اوزبده وعند الاستعمال
يسخن بفرن حار
وبالعافيه على اللي كلوه
واللي بيسونها ابدا مب صعبه
وبالعافية
-->
No comments:
Post a Comment