طريقة عمل لافا كيك - بالصور

-->

وصفتنا اليوم لذيذه بشكل 

طِعمه بشكل 

غنية بشكل 

ما اقدر اوصفه

احبها واحب تمازج نكهتها 

طعم الفانيليا الطازجه 

نكهة القهوه الاسبريسو 

لذاذة الشكولاته 

الوصفه من زمان عندي وهي للاخت دردشة مطابخ الله يذكرها بالخير 

عدلت عليها شوي في المقادير من عندي 

وهي من وصفات الحلويات الشتويه احبها في هالوقت 

وبعد سهله وممكن تجهزينها قبل بفتره وتخليها بالثلاجه 

ووقت ما تشتهين شيئ حلو ويدفي دخليها الفرن على طول 

ودقايق الا وهي جاهزه معك 

وصفتنا المولتن كيك كذا كاتبته دردشة moltencake

وناس يسمونها اللافا كيك lava cake

مافي فرق بينهم 

ندخل على وصفتنا 

المقادير:

120 غرام شكولاته خام 

50 غرام شكولاته بالحليب 

100 غرام زبده 

4 بيضات 

1\2 كوب سكر عادي 

2 و 1\2 ملعقه كبيرة دقيق 

2 ملعقه كبيرة كاكاو بودره 

عود فانيليا او ممكن فانيليا سائله او بودره المتوفر استخدميه 

1 ملعقة كبيرة قهوه اسبريسو طازجه 

1\4 ملعقه ملح 

اول شيء نجهز القوالب ندهنا بزبده ونرشها بكاكاو بودره وندخلها الثلاجه 

بعد كذا نخلط نوعين الشكولاته والزبده ونذوبهم على حمام مائي 

على بال ما تذوب الشكولاته نخفق البيض مع الفانيليا والسكر 

لمدة 7 دقائق مو اقل من كذا 

وهذا شكلها بعد الــ 7 دقائق 

تكون الشكولاته ذابت لونها وريحتها تشهي 

ننخل الدقيق مع الكاكاو والملح 

نضيف القهوه والدقيق للبيض 

ونخلط وبعد ما يمتزج الخليط زين نضيف الشكولاته السايحه 

وهذا شكل الخليط لازم تخفقي لمدة 5 دقايق مهم المده 

نطلع القوالب من الثلاجه ونصب الخليط فيها تقريبا 3\4 القالب [ انحذفت صورة الخليط بالغلط   ]

انا سوت لي 7 قوالب 

ونغلفها بقصدير وندخلها الثلاجه قبل تستخدميها اقل شيء 3 ساعات 

واحلى شيء لمن تكونين مسويتها من الليل 

كل شيء في هالوصفه يعتمد على حرارة الفرن والمدة اللازمه للحصول على النتيجه الافضل 

فاحسن شيء تسوي وحده اختبار وتقدري المدة بنفسك 

انا اسخن الفرن قبل لا اطلعها من الثلاجه على اعلى شيء ولمدة ربع ساعه 

ولمن ادخل القالب اخفظ الحراره على 190 الى 200 درجه 

واخليها بالفرن بين 10 الى 12 دقيقه مو اكثر 

كيف تعرفي انها جهزت تشوفي الخليط ارتفع والطبقه الخارجيه صارت مقببه وله قشره مشدوده 

هذا شكلها لمن تطلع من الفرن 

وتغطى بالقصدير لمدة 5 دقايق او اقل شوي 

دخلي سكين صغيره على الاطراف واقلبيه في صحن القديم 

هنا اول وحده سويتها وكنت عجله عليها وفجرتها ولا صورتها قبل وانهارت وانهارت اعصابي معها 

قدمتها مع كريمه مخفوقه عليها رشة كوفي 

هنا لا قلبتها على رواقه ورشيت عليها سكر 

هنا ناس مستعجله ما ودها اقلبها لهم رشو سكر عليها واكلوها 

في النهايه اتمنى هالوصفه تعجبكم 

-->