طريقة عمل صينية خضار بالجبن والبشاميل - بالصور

-->

صينية خضار بالجبن و البشاميل

وناتي لطريقة اعداد الطبق ,,,

نحتاج الى خضار مشكله مثل ماتحبون نقطعها حلقات و ماتكون سميكه مر

وانا استخدمت البطاطس و الكوسا و الجزر

و بعدين نحمس بصل وحده مع اشوي ثوم و زنجبيل و نضيف لهم الخضروات 

مع اضافة القليل من الابهارات المشكله و قليل من الملح

وبعد دقيقتين و احنا نقلب بالخضروات نضيف اشوية ماي و نسكر عليهم علشان يطبخون على نار هادئة

وبعد ماتجهز الخضروات و تذبل نجهز البشاميل

نحمس بصله وحده مع قليل من البقدونس على النار

و بعدين نضيف ملعقتين طحين الى البصل

ثم نذوب واحد ماجي في 1 كوب موية دافيه و نضيف لها 1 كوب كريمة مخفوقه

ونخلطهم ويا بعض و بعدين نضيفها للبصل و نحرك الين يغلي

نضيف الخضروات المحموسه الى صينية الفرن 

ونضيف لها الجبن الشيدر المبشور و الموزاريلا و نحط كميه منهم 

نسكب خليط البشاميل فوق الجبن و الخضروات 

ونرشها بالجبن المبشور و البقسماط و البابريكا 

وندخلها الفرن لدرجة حراره 180 درجة مئويه للفرن الغاز 

و 350 فهرنهايت للفرن الكهربائي

ونخليها لمدة ربع ساعه علشان تتسبك 

ونحمرها 

والان جهزت معانا 

ثم نقدمها ممكن لحالها تقدم او مع خبز او رز ابيض ..

وصحتين للجميع

-->

طريقة عمل سوفليه الجبن - بالصور

-->

طبق اليوم طبق خفيف ولذيذ

بدآية السوفليه كلمه فرنسية 

ويقصدون فيهآ خليط خفيف وهش

على قوله ليدي خفيف على الكروش 

ويشبه بالآمليت المنفوخ الخفيف 

طبعآ اخترت السوفليه عشآن مكون البيض فيه اسآسي

و اسآسه تخفقين البيآض لين مآيصير منقآر 

والصفآر مع المآده الأساسيه في السوفليه 

- المقآدير 

ثلآث - أربع بيضآت منفصله 

ربع مقدار صلصة بيضاء سميكة ( 3 ملآعق سمن , 3 ملآعق دقيق , كوب حليب )

ملاعق قيآسيه مسطحه 

اربع - ست ملآعق كبيره جبن رومي مبشور 

( على حظكم خلص واستخدمت سآئل )

نصف ملعقه شآي ملح - ثمن ملعقه شآي فلفل ( ذره )

أول شي نعمل الصلصة البيضآء السميكه ونرفعهآ من على النآر 

مآصورت لكم الطريقه لاني جهزتآ من زمآن

عشآن تضبط معآك الصلصه 

- القدر اذا كآن الألومنيوم لاتسخدمين مضرب سلك رآح يغير لك اللون آسود

استخدمي وملعقه خشب ’ امآ اذا ستينلس ستيل نقدر نسخدم المضرب 

-خليك عن الصلصة وقلبيهآ كل شوي على نآر خفيفه 

- السآئل اللي رآح نضيفه يفضل دآئمآ يكون سآخن عشآن يفكك الدقيق

ويقصر مده التقليب 

- الطريقة

يسخن السمنه على النآر ونحط الدقيق عليهآ 

ونقلب لين مآتطلع فقآعآت لازم لون الدقيق مآيتغير

نشيل القدر من على النآر ونضيف الحليب بالتدريج 

ونقلب بقوه نرجعه على النآر هآدئة مع التقليب المستمر

لمآ ينضج الدقيق ويثقل معآك تقريبآ 6 - 7 دقآئق

وأخر شي نتبلهآ بالملح والفلفل الاسود

نضيف الصلصة مع الصفآر حبه حبه ونحرك 

نضيف الجبن والتوآبل 

نخفق بيآض البيض لمآ يعطينآ منقآر 

نخلطهم مع بعض بخفه عشآن نحآفظ على كميه الهوآء 

بشكل دآئره ونص يعني نلف حول البولآ بعدين من تحت لفوق

وخلصنآ تقليب 

نصبهم بالقوالب المدهونه , لو مآتوفرت عندك القوآلب تثدرين بصينه بآيركس 

القشره لازم تكون قآسيه هنآ بآقي لهآ شوي

مو قآ سيه مرآ يعني تكون صلبه ومتمآسكه 

ومايقعد وقت طويل متنفخ يقدم سآخنآ وفوقه فوطه نظيفه

-->

طريقة عمل عيش باللحم - بالصور

-->

{ عيش باللحم }

مقادير الحشوه :

لحمه مفرومه طازجه + بصل ناشف و بصل أخضر و كراث

نحمس البصل المفروم في زيت حتى يذبل ويشقر لونه

نضيف اللحمه للبصل والملح والبهارات وتحرك وتترك حتى تستوي 

( اللحمه تحرك من وقت لآخر ونتأكد أنو المويه بدت تنشف )

البهارات اللي استخدمتهآا .. كمون مطحون ساده و نوع آخر كمون مع فلفل أسود ورشة ملح

نغسل البصل الأخضر و الكراث وتقطع تقطيع خشن .. وتترك ع جنب

نخلط نصف علبة طحينه الكبيره مع كوب لبن وقليل خل وتحرك

( نضيف قليل من الماء حتى تصبح شبه سائله بس ماتكثروا )

{ مقادير العجينه }

عجينة العشر دقايق :

المجموعه الأولى / نضيف م ك خميره فوريه , 1 كوب ماء دافي , 1 كوب دقيق كويتي , نص ملعقة ملح

( تخلط وتترك 10 د )

المجموعه الثانيه / كوب ونص دقيق كويتي , ربع كوب زيت 

( تخلط وتضاف للمجموعه الأولى وتعجن .. قد تحتآجي لزيادة دقيق وشوي زيت حتى لاتلتصق بيدك )

أهم شي ماتكون العجينه قاسيه ويُفضل اطول وقت ممكن بالعجن .. وتفرد مباشره بالصينيه

اضفنآا البصل والكراث وخلطة الطحينه .. وحركنآها 

طبعاً بهالخطوه نكون من البدايه مطفين ع اللحمه وخلاص إذا استوت 

نضيف الخضار والخلطه وتحرك وتترك ع جنب .

نفرد العجينه ثم تخرم بالشوكه حتى ماتنتفش كثير ونضع الحشوه .. 

نراعي اختيار حجم الصينيه المناسب

* بالنسبه لمقادير هالعجينه تناسب الصواني متوسطة الحجم وليست الكبيره

تدخل فرن حامي من تحت حتى تستوي وتحمر الأطراف .. ثم من الأعلى وتتماسك الطبقه

{ شكل التقديم النهائي ~

-->

طريقة عمل ايسكريم التوت - بالصور

-->

سبق وعملت موضوع ايسكريم بطريقة سهله وكمية وفيره وطعم رائع 

http://matba5manal.blogspot.com/2012/12/blog-post_3874.html

موضوعي اليوم امتداد لنفس الايسكريم لكن غيرت النكهه وطلعت ولا اروع

/

الطريقه

نستخدم نفس المقادير والطريقه

لكن بدال التوفي نستخدم التوت 

حطيت على خليط الايسكريم شراب توت مركز > وليس فيمتو انتبهي 

الى ان صار لون الخليط وردي

/

الصوص

استخدمت توت + مربى فراوله + شراب الفراوله

المقادير بالنظر

توضع المقادير في المايكرويف لمدة 15 ثانيه عشان المربى تصير ذايبه وماتكون متكتله

/

بنفس طريقة ايسكريم التوفي

طبقة ايسكريم ثم نسوي خطوط بالصوص ثم طبقة ايسكريم و.. الخ

( نقدري تضيفي فراولة مقطعه او توت طازج )

/

هنا الشكل النهائي ههههههههههه

سويت نكهتين ( توفي و توت )

وكل وحده تبدع بالنكهات 

وهنا بعد ما تجمد بالفريزر يوم كامل 

وعوافي عليكم

-->

طريقة عمل الأيسكريم في المنزل - بالصور

-->

المقادير ..

علبه كبيره كريمة خفق المراعي 

ظرفين دريم ويب

1 حليب نستله كبير

توفي سايله > يفضل تكون من صنعك ( يمكن استبدالها بالشوكولاته او اي نكهه تحبيها ) 

مكسرات ( بندق وعين الجمل )

الطريقه ..

1- تخفق الكريمه مع الدريم ويب لمدة 10 دقايق لحد ماتنتفش ويصير قوامها ثقيل 

2- نضيفي النستله وتخلطي تمام .. وتحطي الخليط بالفريزر لمدة نص ساعه تقريبآ

3- تكسري وتحمصي المكسرات مع التوفي او مع سكر بني اذا حابه

4- تجيبي الحافظة اللي ودك تستخدميها وتحطي اول طبقه من الخليط وبعدين تسوي خطوط بالطول والعرض بالتوفي وتنثري المكسرات وترجعي تسوي طبقه ثانيه بنفس الطريقه > كريمه وتوفي ومكسرات

الين تخلص الكميه وتغطيها وتدخليها الفريزر لمدة يوم كامل

لاحظي كيف تموج التوفي بين الطبقات بعد ماجمد 

5- وقت التقديم تحطي المغرفه بمويه عشان تمشي معاكِ بالايسكريم

وتزيني بالتوفي والمكسرات 

واستمتعي بأحلى طعم

-->

طريقة عمل كوفي لاتيه - بالصور

-->

اليوم جبت لكم طريقه روووعه للكوفي لاتيه تعوضكم عن انكم تشرونه من برا

وعجبتني وسويتها ....والكل يسالني عنها 

سهله وبسيطه وما يبي لها اي تعب ....والحلو فيها انك تحظرين كميه تكفيك مده طويله 

نصيحتي لكم بالبدايه انكم ما تعملو كل المقدار ....يعني انا اقيس بالكوب ...انتي قيسي بفنجان القهوه 

عشان لو ما عجبتك ....ما تكون كميتها كبيره وتروح المقادير عليك 

المقادير ...~

نصف كوب ( كوفي ميت )

ربع كوب سكر .....اختياري ...اللي يشرب مر لا يحط سكر ...يكفي سكر من الحلاوه 

كوب حليب بودره ( نيدو )

ثلثين كوب نسكافيه 

نصف كوب حلاوة الزبده werther"s original

وهذي صورته .... على فكره هالحلاوه اهم شي لانها هي اللي تعطي طعم اللاتيه للكوفي

نكسر الحلاوه بالهون ...زي كذا 

وبعدين نخلط كل المقادير مع بعض 

ونطحنهم بطاحونة القهوه 

وهذا شكله بعد الطحن ....ناعم ومخملي 

نحتفظ فيه بعلبه حلوه ومحكمه ....عشان نستخدمه وقت الحاجه ~~

واذا حبيتي تستمتعي بالذ كوب لاتيه ....

املي ربع الكوب من هالخليط ....وصبي عليه حليب حاااااار 

-->