-->
الموز بالحليب والعسل
يمكن الكثير مايحب يشرب عصير بالبرد أنا عندي العكس أحب العصيرات والأيسكريم بالبرد .
وهالعصير مغذي ويعطيك طاقه واحساس بالشبع , ولا ننسى فائدة العسل .
المقادير:
الكميه تكفي ثلاث اشخاص تقريباً.
ثلاث حبات موز متوسطه وناضجه( كيف تعرفين انها ناضجه ؟؟ تكون بدت تطلع بقشور الموز نقاط سوداء ) عاد انتبهي مو تصير الموزه كله سودا راح يعطي نكهه خمج بهالطريقه.والموز لما يكون ناضج يكون حلو وماتحتاجين تحلينه كثير .
كوبين حليب ( استخدمت حليب قليل الدسم)
نستله المركز المحلى استخدمت ملعقه كبيره
عسل ايضاً استخدمت ملعقه
الطريقه:
قشري الموز وقطعيه حلقات وحطيه بالخلاط ، اضيفي العسل والنستله حسب ذوقك وانتبهي تكثرين لان الموز حلو .
اضيفي الحليب ممكن تقللين الحليب او تزودينه حسب ذوقك وحسب الغلظ المزيج اللي تبينه ، وأضيفي قطع ثلج لو حابه . واخلطي.
وقدميه
بالهناء والعافيه على قلوبكم
-->
No comments:
Post a Comment