-->
Pistachio Rose Tarts
بنبدأ بالطبقه الأولي والي هي عبآره عن تآرت الفستق ،،
مقآديره ،،
كوب وربع من الطحين المتعدد الاستعمآلآت ،،
ربع كوب من الفستق المطحون ،،
نص كوب سكر بودره ،،
ربع ملعقه صغيره ملح ،،
٩ ملعقة طعآم زبده بآرده ،،
١ صفآر بيض بآرد ،،
الطريقه ،،
في الخلآط أو بالملعقه أو بإيدج اللي يريحج نخلط كل المقآدير مآ عدآ الزبده والبيض ،،
انضيف الزبده ونخلط ،،
و ف الأخير إنضيف البيض ،،
نفرش العجينه في قوآلب الميني تآرت ويفضل إنه يكون ذو قآعده متحركه ونخرمه بالشوكه حتى مآ ينتفخ ونحطه ف الفريزر ٣٠ دقيقه ،،
لين مآ يبرد شغلي الفرن ع درجة حرارهه ٣٧٥ فهرنهآيت - ١٨٠ سيليزي ،،
وبعد مرور نص سآعه طلعيه وحطيه ف الفرن لمده ٢٠ -٢٥ دقيقه لين مآ أتشوفين أطرآفه أحمرت بهذآ الشكل ،،
الطبقه الثآنيه عبآره عن مربى التوت ،،
امسحي قآعدة التآرت بملعقة صغيره من هذآ المربي ،،
الطبقه الثآلثه موس الفستق ،،
مقآديره ،،
نص كوب من الشوكلآته البيضآء ،،
ملعقتين طعآم سكر بودره ،،
نص كوب فستق مطحون ،،
ربع كوب سكر ،،
بيضتين ،،
ثلآثة أربآع ملعقه صغيره من نكهة اللوز ،،
ثلآثة أربآع من كريمة الخفق ،،
الطريقة ،،
انذوب والوآيت تشوكلت ف الميكرويف تقريبا دقيقه وذآب ونخليه ع صوب ،،،
ونخلط السكر بودره مع الفستق [ والسكر مآ بيخلي حبيبآت الفستق يتلآصقون ببعض + بيعطيه ملمس أنعم وأدق ]،،
في حمآم مآئي ،،
نخفق البيض والسكر لين مآ يصير عندنآ بهذآ الشكل [ مقآمه غليظ شرآت البودينغ ]
وبعدين انضيف الوآيت تشوكلت و الفستق المخلوط ويآ السكر ونكهة اللوز ،،
هذآ الشكل مآ قبل النهآئي للموس ،،
نخفق كريمة الخفق ،،
وانضيفهآ لخليط الموس ونخلطه بالسباتيولآ أو الملعقه ع شكل رقم ٨ أو نص دآئره أو من أعلى إلى أسفل عشآن مآ يروح الهوآء اللي نفخ الكريمه ،،،
وبالملعقه انوزعه كطبقه ٣ ف قوآلب التآرت ،،
حطيته ف الفريزر لين ما أجهز الطبقه الأخيره ،،
مقآديرهآ ،،
نص كوب كريمة خفق ،،
ملعقتين طعآم سكر بودره ،،
ملعقة شآي مآء ورد [ إذآ حبيتي نكهه أكثر زيدي ] ،،
ملون طعآن زهري [ إختيآري ] ،،
الطريقة ،،
نخلط كل المقآدير مع بعض لين مآ يصير عندنآ بهذآ الشكل ،،
انجهز أدوآتنآ للخطوه الأخيره [ أهم شي الروز ] ،،
و الرآز بيري ،،
و الروز ويبينغ كريم ،،
حطيت الروز ويبينغ كريم فوق موس الفستق وزينته بالرازبيري و الروز ،،
حطيه ف الثلآجه يبرد لين وقت التقديم ،،
و هذآ هو الديزرت الأخير ،،
أتمنى إنهآ نآلت إعجآبكم مثل مآ نآلت إعجآب الكل ،،
-->
No comments:
Post a Comment