-->
المقادير .. المرحله الاولى..
//صفار 3 بيضات
//كاس حليب سائل والافضل بالفانيلا
//2كاس كريمه خفق..
//كاس قشطه كي دي دي قيمر
//ملعقه فانيلا سايله(انا اضفت قهوه احب نكهتها)
//ثلاث ارباع كاس سكر مطحوون
الاشيا الباقيه للزينه..
نخلط الحليب والفانيلا والكريمه ونسخنهم على النار
ونخفق البيض والسكر مع بعضهم ..
بعد مايتسخن الحليب نضيفه له خليط البيض والسكر على النار
ونخفقه بالخفاق اليدوي ..
فقط يتسخن ويغلي غليه وحده .. انتبهو لا يطوول ويخرب الشغله كلبوها ..ونحطه بعلبه بلاستيك
وندخله الفريزي ربع ساعه ..موقلت لكم بسيط خخخخ لسا ياحلوات الشغله مطووله
بعد مايبرد نطلعه.. ونضيف له قشطه كي دي دي..ونخفقه بالخفاق الكهربائي لمده 10 دقائق
ونرجعه للفريز.. لمده يوم كامل..
(للحصول على نتائج افضل ..طلعي الايسكريم كل ساعه وقلبيه حتى لايجمد خخخ خقيت على نفسي
وانا اعطي نصايح 
)
)
اصلا عارفه محد مسويها هههههههه لاني انا ماسويتها غير مرتين وبعدها عصبت .. عساني ماكلت ايسكريم..
ترى اذا عندك الاله ماتحتاجين هالحوسه <<اخلصي
المرحله الثانيه..
نجهز مقادير صوص الجوز المتكرمل<<على كيفها تسمي
//نص كاس جوز البقان امريكي مجروش ..<<بتصيح مالقت بالعلبه غير كم حبه
لاتحطوون عين الجمل لانه فااشل.. ومر مره ماينفع..
//نص كاس سكر بني ..
// ربع اصبع زبده
وهذا الجوز للي يبغى يتعرف
يذووب الجوز مع الزبده ثم يضاف اليه السكر حتى يصير مثل الكراميل..
ونخلطه مع نص كوب توفي..
للامانه انا طلع عندي قاسي حبتين ..ورحت حطيته بكيس ودقيته شوي تفتت
بصراحه هذا الصوص رهيييييييييييييييييب وعليه ريحه وربي تجنن تشبه القشد
ولو تاكلينه لحاله اطلق من الايسكريم..<<<رفاله
المرحله الثالثه..
مقادير التوفي لام عزيزان.. دعيت لها من قلبي
//قشطه نستله دافيه ..محطوطه بمادافي
//ربع كاس ماء..
//كاس سكر..
//ملعقتين زبده..
نحط السكر والماء على النار بدرجه حراره عاليه ونحركه ..
اذا بدى يشقر نظيف له القشطه والزبده ونحركهم بسررعه قبل يتكتل ..
وانعمي باحلى توفي عرفته بحياتي
الحين كيذاخلصنا..الحمد لله على السلامه
اذا جيتي تطلعين الايسكريم اليوم الثاني..اخلطيه بالخلاط او الخفاق وارجعي حطي طبقات
من الايسكريم والجوز والتوفي ورجعيه لفريز شوي عشان يتماسك
وانتهينا..
تراه ساح من كثر ماجلست اشك شك فيه تصوير..
-->
No comments:
Post a Comment