Friday, October 19, 2012

طريقة عمل خلية النحل - بالصور

-->

المقادير :


٣،٥ كاس دقيق الكويتي 

٣ ملاعق حليب بودره 

ملقعه كبيره B.B
ملعقه صغيره ملح ، ملعقه صغيره سكر 
ملعقه كبيره خميرة 
ربع كاس زيت 
علبه زبادي او كاس لبن 



الحشوه :

جبن كيري 



الوجهه :

بيضه وحليب 



نستله 



بالبدايه ناخذ الخميره نذوبها بنص كاس مويه دافيه مع رشه سكر 

نخلط المواد الجافه بعدها نضيف السائله والخميرة 

تتخمر من ساعه لــ ساعه ونص مو اكثر . 






هذي العجينه بعد التخمير تركتها ساعه وحده بس 








نفردها بسمك متوسطَ وبأي قطاعه متوفره عندكَ قطعيها زي الصوره ، طبعاً انا استخدمت فنجال القهوهَ 

مقاسه يناسبني كثيرَ 








ونحشيها بالجبنة اللي تحبونها شخصياً افضل الكيريَ ، ومره زمان حشيتها كرفت "السائله"

بس جننتني طلعت وحاست علي الدنيا ،







نلفها ونكورها ونرصها بصينيه تيفال احياناً بدون امسح زيتَ واحياناً امسح زيت قبل اصفها 

سبحان الله تلصق ولا شي مني فاضيه تنحاس ، 

واتركها ابو عشر دقايق لــ ربع ساعه فيما يسخن الفرنَ تكون تخمرة تخميره خفيفه وانتفخت شوي 
امسح وجهها بـ صفار بيضه وملعقه حليب وبالفرشه امسحها .







هنا يومني طلعتها من الفرن وسقيتها نستلهَ عـ طول عشان تتشرب شوي منهَ 




* هالمقياس يكفي صينيه وحده لا يغركم ٣ كاسات تراها مو شيَ .

* التخمير ياخذ ساعه والشغل تقريباً ثلث ساعه وبالفرن حدود الربع ساعهَ

الزبدة اقل من ساعتين وهي عـ السفرهَ 
* المقايس المستعمله هي المعياريهَ ، لاني اذا استخدمت شي ثاني تغير شي فيها

-->

1 comment: