Side Ads

Saturday, October 20, 2012

طريقة عمل حلا مربعات الليمون - بالصور

-->

اليوم جايبة لكم حلا طعمة جونان

جداً لذيذ خصوصا للي يحبون الليمون والحمضيات بشكل عام 

يخلط بين الحموضة والحلاوة 

ومقاديره متوفرة وسهله
صورة جماعية للمقادير :


الطريقة :
نبدأ بتسخين الفرن على درجة حراة متوسطة 
اول جزء راح نبدأ فيه الطبقة السفلية"Crust" مقاديرها:
2 كوب دقيق 
1\2 كوب سكر مطحون
150 غرام زبدة لينة في درجة حرارة الغرفة


نخلطهم اما بالملعقة الخشب أو أي ملعقة إلى أن تتكون عندنا عجينة متماسكة 
زي كذا


طبعا نكون مجهزين صينية أو بايركس ويكون مغلف بقصدير أو ورق زبدة 
زي كذا


بعدين نفرد العجينة بالبايركس بيدينا أو بظهر الملعقة 


ندخل الصينية للفرن لمدة من 25-30 دقيقة 
لما تبدأ تتحمر شوي من الأطراف


إذا قربت الطبقة السفلية على الإستواء نبدأ نجهز الطبقة العلوية "Filling" مقاديرها:
علبة حليب نستلة 
4 بيضات
بشر ليمونه
2\3 (ثلثينن) كوب عصير ليمون طازج (تقريبا ثلاث حبات ليمون متوسطة)
1\4 ملعقة شاي ملح
( فايدة الملح عشان يحفز حاسة التذوق باللسان<< توي أدري بالمعلومة  كنت أستغرب من الملح لما ينحط مع الحلويات)
1 ملعقة شاي بيكنج بودر
1 ملعقة طعام طحين
1\4 ملقعة شاي فانيلا 
نخلطهم باستخدام الويسك إلى ان يصير الخليط كريمي


ممكن إذا حابة تضيفين بعض قطرات من ألوان الطعام ( اللون الأصفر) عشان يعطيه لون يوحي بأنه حلا ليمون 
بس أنا عن نفسي ما احب الألوان بالمررة 
بعدين نصبها على الطبقة السفلية بعد ماتطلع من الفرن 


بعدين نرجع ندخها الفرن لمدة تقريبا 30 دقيقة لما تصير متماسكة 


بعدين نخليها تبرد أقل شي ساعة ونص


نبدأ نقطعها وعشان يسهل تقطيعها نكون مجهزين موية حارة بكأس كبير شوي و سكينة كبيرة 
نحط السكين بالكوب ونرفعها ونحاول تنزل كل الموية منها بعدين نبدأ نقطع الحلا


هالحركة مررة راح تسهل تقطيع الحلا الى مربعات متساوية ومرتبة 


أخر شي وقت التقديم نرش عليها سكر مطحون او ممكن أذا ودك تحطين عليها whipping cream
عبارة عن: كريمة الخفق+ سكر مطحون نخفقهم إلى أن تتكون كريمة وتوزعينها على المربعات 
أنا فقط رشيتهم بـ سكر مطححون 


الشكل النهائي:


~~~~
صورة أقرب
~~~~


-->

1 comment:


  1. https://www.youtube.com/watch?v=wS4630qWeVw

    8 مميزات مخفـيه في تطبيق - WhatsApp

    ـ خد اللينك كوبي وعلي اليوتيوب واكتشف بنفسك ولاتنس الاشتراك وتفعيل الجرس

    #تقنية - #تقنية_ذكية - #تكنولوجيا_حديثة #خليك_بالبيت - #تكنولوجيا - #السعودية#تسوق - #شروحات - #تقني - #برامج - #السعودية_مصر - #صور - #مصر - #جوالات - #سعوديين_في_مصر - #هاشتاق_السعودية - #هاشتاقات_عربيه - #تصوير

    ReplyDelete