طريقة عمل كور البطاطس المحشية - بالصور

-->

نبدأ بالمقادير

1) الحشوه

دجاجه أو صدور دجاج

حبه بصل 

حبه فلفل رومي

حبتين جزر

فص ثوم

شويا كزبره

والبهارات: بابريكا- أوريغانو - كزبره جافه - ملح وفلفل.

2) للبطاطس:

4 أو 5 حبات بطاطس

ربع كاسه قشطه خفق

ملح وفلفل

3) التلبيسه:

3/4 كاسه قشطه خفق

ملعقتين جبنه سايله

حبه جبنه كرفت مبشوره

-----------------------

هنا الدجاج مقطع صغير 

وهنا البصل والثوم والجزر والفلفل 

وهنا الكزبره والتلبيسه وفنجال القهوه

* أول شيء قشروا البطاطس وقطعوها لأرباع وحطوها في قدر فيه مويه وملح

ونبدأ نشتغل على * الحشوه بنحط شويا زيت في القدر بعدها البصل والثوم لين ماتذيل 

 حطيت الدجاج ونقلب

* نضيف البهارات على كيفك انا حطيت البابريكا نص حار ونص حلو

بعد ماأستوي الدجاج * نضيف الخضار ( جزر - فلفل ) شوي لين ماتذبل ونطفي النار 

* نضيف الكزبره الخضرا المفرومه آخر شيء .. بكذا تكون أنتهت الحشوه

* نشوف البطاطس خلصت أكيد نصفي المويه ونهرسها 

* نضيف ربع ك قشطه وشويا ملح نخلطها مزبوط

* نبدأ نكور ألحين نأخذ فجال قهوه كبير أو صغير على حسب مقاس الكور الى تبغينه 

نغلفه بورق نايلون علشان يسهل التكوير معانا .. راح نحط شوي بطاطس ونفردها

ونضيف الحشوه وفوقها طبقه بطاطس ونلف النايلون ونرفعه وماتحتاج تكوير تكون خلاص جاهزه

* نرصها في الصينيه لين ماتمتلي .. انا تعبت الصينيه عندي ولسا باقي زايد

فأخذت صينيه صغيره وفردت فيها طبقه بطاطس وحطيت الحشوه فوقها 

وفردت فوقها طبقه ثانيه بطاطس 

المهم لسا ماخلصنا * نرجع للخلطه حقتنا ( قشطه الخفق والجبنه السايله ) نخلطهم سوا

انا ما أنخلطت معايا بسهوله فأضفت شويا مويا .. 

* بعدين نصبها على الكور  

* ونبشر جبنه الكرفت ونرشها عليها

وهذي هي قبل ماتدخل الفرن

* الفرن شغال من فوق يادوب تتحمر بس ..

سوهاا وإن شاء الله تعجبكم 

-->