طريقة عمل كرات اللحم السويدية - بالصور

-->

حياكم الله ، وياهلا فيكم حبايبي

اكيد كلنا نعرف كرات اللحم السويديه بس لكل وحده فينا طريقتها انا جربت وصفات كثيره لها واستخدمت الكرات الجاهزه من متجر أيكيا مع الصوص بس ماحبيتها كثير

ماراح أطول وبأختصار هذي من أفضل الوصفات اللي حبيناها يعني جربوها وانتم متطمنين

المقادير

1/2 كيلو لحم مفروم ( نظيف أنا غسلته وتركته 10 د حتى تنزل المويه اللي فيه )

1/2 كوب بقسماط

1/4 كوب حليب سائل

1 بصله متوسطه ومفرومه ناعم

ملح + كمون + فلفل أسود

الطريقه

تضاف جميع المقادير وتخلط باليد

ثم نضيف البصل المفروم وتعجن سوا

تكور وتصف بصحن

وهنا قبلها نتأكد من الملح والبهارات أذا أحتجنا زياده أولا

في مقلاه نضع 2 ملعقه كبيره زيت + 2 ملعقه كبيره زبده

وتشوح الكرات فيها حتى تتشقر وتخرج من المقلاه

الصوص /

في نفس المقلاه وعلى الزيت والزبده نضيف 3 ملاعق كبيره دقيق وتحرك مع بعض

ثم يضاف 1كوب مرقة دجاج

تترك لتغلي وتثخن شوي

ثم نضع 1 كوب كريمة خفق وتمزج مع بعض

تصف الكرات بصينية تقديم ويصب عليها الصوص وتدخل الفرن 180* لمدة نصف ساعه

تخرج من الفرن وتترك شوي وتقدم بالطريقه اللي تحبونها

مع رز أبيض او أحمر أو بطاطس مسلوقه وكتشب او مكرونه

أن شاء الله يعجبكم

وبالعافيه

-->