طريقة عمل جيزكيك نيويورك Newyork Cheesecake - بالصور

-->

طريقة عمل جيزكيك نيويورك Newyork Cheesecake

اول شي المقادير البسكوت أو الـ crust 

بسكوت دايجستف ( 2 كوب )

قالب زبدة بحرارة الغرفه

ربع كوب سكر

مقادير الجبنه 

4 باكيت جبن نفس الي بالصورة

و الجبن الي استخدمته اسمه هاريتج heritege

تقدرون تستخدمون فيلاديلفيا 

كوب سكر

3 ملاعق كبار طحين اببض

5 بيضات بدرجة حرارة الغرفه

ثلث كوب كريمه

ملعقه كبيرة بشر ليمون

ملعقه صغيره فانيلا

الطبقه الاخيرة 

كوب كريمة حامضه

2 ملعقه كبيره سكر

نص ملعقه صغيرة فانيلا

اول شي تطحنين البسكوت وتضيفين الزبده مع الشكر وترصينها في صينية الي قاعدتها متحركة

تحطينها بالثلاجه عشان تصك 

تخلطين الجبن و الشكر والطحين 

تضيفين البيض وحده وحده ( مو كلهم مع بعض ) كل ما تضيفين بيضه تخلطين شوي لما تختفي وتضيفين الي عقبها 

تضيفين الكريمه والفانيلا و بشر الليمون وتخلطين

تصبين الخلطه على البسكوت و طبعا بهل وقت تكونين مسخنه الفرن 

تدخلينها الفرن على درجه حرارة عاليه لمدة ربع ساعه بعدين توطين الفرن وتخلينها من ساعه الي ساعه ونص 

الحين تسوين الخلطه الاخيرة :

تخلطين الكريمة الحامضه مع الشكر والفانيلا

ملاحظه : عقب الساعه ونص لما تشيكين عليها راح تكون مستويه من الاطراف بس من النص تحسين يبيلها شوي 

طلعيها وخليها تصك بره الفرن 

عقب ما تطلعينها تحطين عليها خلطة الكريمة الحامضه وتدخلينها بعد ثلث ليه نص ساعه

لما تخلص طلعيها وخليها بالثلاجه لمدة 4-6 ساعات ويفضل تسوينها من باللليل وتقدمينها الصبح

تقدرين تقدمينها مع فواكه فرش او الpie filling 

وهنا وعافية

-->