طريقة عمل [جوجير] وصفه فرنسيه بالاجبان - بالصور

-->

هذي وصفه فرنسيه مشهوره 

ويستخدم فيها جبنة غوريير السويسريه الشهيره

انا جربتها اكثر من مره وجدا لذيذه 

وبرضو سويتها بطريقه ثانيه وراح تشوفونها بنهاية الوصفه بإذن الله

بسم الله ,,,,

نسخن الفرن ع درجة 350

المقادير /

5 بيضات كبيرة 

1 قالب (½ كوب) زبدة 

2 ملعقة صغيرة ملح 

1 ملعقة صغيرة سكر 

1 كوب من الدقيق 

½1 كوب من جبنة الغرويير مبشورة ناعم 

¼ كوب من جبنة البارميزان مبشورة ناعم

2 ملعقة كبيرة من الثوم المعمر المفروم 

2 ملعقة كبيرة من الشبث المفروم 

¼ ملعقة صغيرة من الفلفل الأحمر الحلو او البابريكا

¼ ملعقة صغيرة من جوزة الطيب مبشورة

التحضير /

الثوم المعمر !!!

 بعد ماتترك الثومه وتنبت براعمها تطلع السيقان وتطول وتستخدم

طيب ليش استخدمناها ومااستخدمنا الثوم نفسه ؟

لانها اخف حدة من الثوم وألذ بالنكهه

فتحت قلب الثوم واخذت منه البراعم الخضرا وفرمتها

انا وريتكم الصوره حتى يوضح الشرح

نحط المويه عالنار مع الزبده والملح والسكر ونتركها تغلي

نضيف الدقيق وبسرعه نعجنها بملعقه خشبيه 

حتى تتجمع وتتكون عجينة ماتلصق ع جدران القدر

ونستمر دقيقتين نعجنها عالنار الهاديه

شايفين صارت عجينه متماسكه وماتلصق

هذي العجينه معروفه بالشو

نرفعها من النار ونحطها بأناء ثاني

ونضيف لها التوابل والجبنه بانواعها

ونعجنها زين ونتركها تبرد

بعدها نضيف البيض وحده وحده 

يعني نضيف بيضه ونعجن وهكذا

نعجنها بسرعه وبقوه حتى تصير كذا

ونحطها بكيس حلواني

حابه يكون شكلها كذا بس للاسف اختفت المعالم :)

خلي بين كل وحده والثانيه مسافه

وادهني الوجه ببيضه مضاف لها ملعقة مويه

اذا تحبين / رشي عالوجه بارميزان

ودخليها عالفرن ع نار هاديه لمدة 25 دقيقه او حسب فرنك

وهذي هي بعد ماطلعت من الفرن /

قدميها مع الشاي ماراح تشبعين منها 

تجي فاضيه من النص 

طيب ... الوصفه الثانيه اللي انا سويتها فيها 

اضفت زيتون اخضر مفروم وفلفل حار بودره وشوي اوريغانو والغيت الشبت 

حطيتها بهالشكل 

هذي ع جبنة غوريير ,,

طعمها حاد شوي ع مالح بس من جد تضيف نكهه ويمكن ماتقدرين تستبدلينها بجبنه ثانيه 

وهنا وعافية

-->